គោលការណ៍ឯកជនភាព

គោលការណ៍ឯកជនភាពនេះមានសុពលភាពចាប់ពីថ្ងៃទី ១១ ខែតុលា ឆ្នាំ ២០២៣។

ខាងក្រោមនេះ រួមជាមួយលក្ខខណ្ឌចម្បងដែលអាចអនុវត្តបាន ជាគោលការណ៍ឯកជនភាពរបស់ក្រុមហ៊ុន 
ស៊ីធីអ៊ិច-98 ឯ.ក (“គោលការណ៍ឯកជនភាព”)។

នៅពេលដែលយើងលើកឡើងអំពី “ស៊ីធីអ៊ិច-98 ឯ.ក” “យើង” “ពួកយើង” ឬ “របស់យើង” នៅក្នុងគោលការណ៍ឯកជនភាពនេះ គឺយើងសំដៅទៅលើ ក្រុមហ៊ុន ស៊ីធីអ៊ិច-98 និងដៃគូសម្ព័ន្ធរបស់ខ្លួនដែលទទួលខុសត្រូវចំពោះការដំណើរការទិន្នន័យផ្ទាល់ខ្លួនរបស់អ្នក។

យើងគោរពភាពឯកជនរបស់អ្នក ហើយយើងប្តេជ្ញាការពារទិន្នន័យផ្ទាល់ខ្លួនរបស់អ្នក ដូចដែលបានកំណត់នៅក្រោមច្បាប់នៃព្រះរាជាណាចក្រកម្ពុជាស្តីពី ការការពារទិន្នន័យផ្ទាល់ខ្លួន និងស្តង់ដាអន្តរជាតិទាក់ទងនឹងច្បាប់នេះ។ គោលការណ៍ឯកជនភាពនេះនឹងប្រាប់អ្នកអំពីរបៀបដែលយើងថែរក្សាទិន្នន័យផ្ទាល់ខ្លួនរបស់អ្នក នៅពេលអ្នកចូលមើលគេហទំព័ររបស់យើងនៅ ctx98.com.kh (ទោះជាអ្នកចូលមើលវាពីទីកន្លែងណាក៏ដោយ) ឬគេហទំព័រ ទំព័រ លក្ខណៈពិសេស ឬមាតិកាផ្សេងទៀតដែលយើងជាម្ចាស់ ឬដំណើរការ និង/ឬនៅពេលអ្នកប្រើកម្មវិធីទូរស័ព្ទរបស់យើង ឬអ៊ីនធឺហ្វេស (Interface) បង្កើតកម្មវិធី ស៊ីធីអ៊ិច-98 ឯ.ក (សមូហភាព “អ៊ីនធឺហ្វេស (Interface)”) ឬគ្រប់សេវាទាំងអស់ដែលផ្តល់ដោយអ៊ីនធឺហ្វេស (Interface) (“សេវា” (Services))។

ស៊ីធីអ៊ិច-98 ឯ.ក រួមជាមួយក្រុមហ៊ុនបុត្រសម្ព័ន្ធរបស់ខ្លួន ប្តេជ្ញាអនុវត្តតាមច្បាប់ជាធរមាន រួមមានជាអាទិ៍ច្បាប់នៃព្រះរាជាណាចក្រកម្ពុជា ស្តីពីការការពារទិន្នន័យផ្ទាល់ខ្លួន ដែលទាក់ទងទៅនឹងបទប្បញ្ញត្តិការពារទិន្នន័យទូទៅ (EU) ២០១៦/៦៧៩ (“GDPR”)។ គោលការណ៍ឯកជនភាពកំណត់គោលការណ៍មូលដ្ឋានដែលក្រុមហ៊ុន ស៊ីធីអ៊ិច-98 ឯ.ក ប្រមូល រក្សាទុក ផ្ទេរ លុបចោល និងដំណើរការទិន្នន័យផ្ទាល់ខ្លួនរបស់អ្នក។

ពាក្យស័ព្ទដែលបានប្រើប្រាស់ក្នុងគោលការណ៍ឯកជនភាពនេះ មានអត្ថន័យដែលបានកំណត់នៅក្នុង GDPR និង/ឬច្បាប់នៃព្រះរាជាណាចក្រកម្ពុជាស្តីពីការការពារទិន្នន័យផ្ទាល់ខ្លួន។

ការទទួលយកគោលការណ៍ឯកជនភាព

តាមរយៈការចុចលើពាក្យថា “ខ្ញុំយល់ព្រម” និងចូលទៅ ហើយប្រើប្រាស់សេវា (Services) របស់យើង អ្នកបង្ហាញអំពីការទទួលយកលក្ខខណ្ឌនៃគោលការណ៍ឯកជនភាពនេះ។ យើងសូមរក្សាសិទ្ធិក្នុងការកែប្រែគោលការណ៍ឯកជនភាពនេះនៅពេលណាមួយដើម្បីឆ្លុះបញ្ចាំងពីការកែប្រែច្បាប់ ឬការអនុវត្តក្នុងការប្រមូល និងប្រើប្រាស់ទិន្នន័យផ្ទាល់ខ្លួនរបស់យើង។

ប្រសិនបើគោលការណ៍ឯកជនភាពនេះត្រូវបានកែប្រែ យើងនឹងជូនដំណឹងដល់អ្នកតាមអ៊ីមែល តាមការបង្ហោះនៅលើអ៊ីនធឺហ្វេស (Interface) ឬតាមរយៈសេចក្តីជូនដំណឹងស្តីពីសេវា (Services) របស់យើង ហើយអ្នកតម្រូវឱ្យទទួលយកគោលការណ៍ឯកជនភាពទាំងអស់ដែលបានធ្វើបច្ចុប្បន្នកម្ម មុនពេលដែលអ្នកអាចប្រើប្រាស់សេវា (Services) បាន។

ប្រសិនបើអ្នកមិនយល់ស្រប ឬអ្នកមិនពេញចិត្តនឹងទិដ្ឋភាពណាមួយនៃគោលការណ៍ឯកជនភាពនេះ អ្នកគួរតែបញ្ឈប់ភ្លាមនូវការចូលប្រើ ឬប្រើប្រាស់អ៊ីនធឺហ្វេស (Interface) និងសេវា (Services) របស់យើង។

ប្រសិនបើអ្នកមានសំណួរណាមួយអំពីគោលការណ៍ឯកជនភាពនេះ ឬការអនុវត្តឯកជនភាពរបស់យើង សូមទាក់ទងមកយើងតាមរយៈ “ផ្នែកផ្ដល់ជំនួយ (Support Center)” នៅលើគេហទំព័រ https://ctx98.freshdesk.com/en/support/home ។

គោលបំណងនៃគោលការណ៍ឯកជនភាពនេះ

គោលការណ៍ឯកជនភាពនេះមានគោលបំណងផ្តល់ព័ត៌មានជូនអ្នកអំពីរបៀបដែលយើងប្រមូល និងដំណើរការទិន្នន័យផ្ទាល់ខ្លួនរបស់អ្នក តាមរយៈការប្រើប្រាស់អ៊ីនធឺហ្វេស (Interface) និងសេវា (Services)របស់អ្នក។ អ៊ីនធឺហ្វេស (Interface) និងសេវា (Services) របស់យើងមិនមែនសម្រាប់កុមារឡើយ ហើយយើងគ្មានចេតនាប្រមូលទិន្នន័យទាក់ទងនឹងកុមារនោះទេ។

ជាប្រការសំខាន់ណាស់ដែលអ្នកត្រូវអានគោលការណ៍ឯកជនភាពនេះ រួមទាំងគោលការណ៍ឯកជនភាពផ្សេងទៀត ឬគោលការណ៍ដំណើរការដោយត្រឹមត្រូវ ដែលយើងអាចផ្តល់ជូនក្នុងឱកាសជាក់លាក់នៅពេលយើងកំពុងប្រមូល ឬដំណើរការទិន្នន័យផ្ទាល់ខ្លួនអំពីអ្នក ដើម្បីឱ្យអ្នកដឹងទាំងស្រុងនូវរបៀប និងមូលហេតុដែលយើងកំពុងប្រើទិន្នន័យផ្ទាល់ខ្លួនរបស់អ្នក។ គោលការណ៍ឯកជនភាពនេះបំពេញបន្ថែមលើសេចក្តីជូនដំណឹង និងគោលការណ៍ឯកជនភាពផ្សេងទៀត ប្រសិនបើមាន ហើយគោលការណ៍ឯកជនភាពនេះមិនមែនក្នុងគោលបំណងប្រើប្រាស់ជំនួសសេចក្តីជូនដំណឹង និងគោលការណ៍ឯកជនភាពទាំងនោះឡើយ។

កាតព្វកិច្ចរបស់អ្នកក្នុងការជូនដំណឹងដល់យើងអំពីការផ្លាស់ប្តូរ

គឺជារឿងសំខាន់ដែលទិន្នន័យផ្ទាល់ខ្លួនរបស់អ្នកដែលយើងរក្សាទុកមានភាពត្រឹមត្រូវ និងមានបច្ចុប្បន្នភាព។ សូមជូនដំណឹងមកយើង ប្រសិនបើទិន្នន័យផ្ទាល់ខ្លួនរបស់អ្នកមានការផ្លាស់ប្តូរអំឡុងពេលអ្នកកំពុងមានទំនាក់ទំនងជាមួយយើង។

តំណភ្ជាប់ភាគីទីបី

អ៊ីនធឺហ្វេស (Interface) និងសេវា (Services) របស់យើងអាចរួមបញ្ចូលតំណភ្ជាប់ទៅកាន់គេហទំព័រ
ភាគីទីបី កម្មវិធីជំនួយ និងកម្មវិធីនានា។ ការចុចលើតំណភ្ជាប់ទាំងនោះ ឬការបើកការភ្ជាប់ទាំងនោះអាចអនុញ្ញាតឱ្យភាគីទីបីប្រមូល ឬចែករំលែកទិន្នន័យអំពីអ្នក។ យើងមិនគ្រប់គ្រងគេហទំព័រភាគីទីបីទាំងនេះទេ ហើយយើងមិនទទួលខុសត្រូវចំពោះសេចក្តីថ្លែងការណ៍ឯកជនភាពរបស់ពួកគេឡើយ។ នៅពេលអ្នកចាកចេញពីអ៊ីនធឺហ្វេស (Interface) ឬសេវា (Services) របស់យើង យើងលើកទឹកចិត្តអ្នកឱ្យអានគោលការណ៍ឯកជនភាពនៅក្នុងរាល់គេហទំព័រដែលអ្នកចូលមើល។

ទិន្នន័យដែលយើងប្រមូលអំពីអ្នក

ទិន្នន័យផ្ទាល់ខ្លួន ឬព័ត៌មានផ្ទាល់ខ្លួន មានន័យថាព័ត៌មានណាមួយអំពីបុគ្គលម្នាក់ ដែលអាចកំណត់អត្តសញ្ញាណបុគ្គលនោះបាន។ ទិន្នន័យផ្ទាល់ខ្លួន ឬព័ត៌មានផ្ទាល់ខ្លួនមិនរួមបញ្ចូលទិន្នន័យដែលអត្តសញ្ញាណមិនត្រូវដកចេញនោះទេ (ទិន្នន័យអនាមិក)។

យើងអាចប្រមូល ប្រើប្រាស់ រក្សាទុក និងផ្ទេរទិន្នន័យផ្ទាល់ខ្លួនប្រភេទផ្សេងៗអំពីអ្នក ដែលយើងបានដាក់ជាក្រុមដូចខាងក្រោម៖

• ទិន្នន័យអត្តសញ្ញាណរួមមាននាមខ្លួន ឈ្មោះមុនពេលរៀបការ នាមត្រកូល ឈ្មោះអ្នកប្រើប្រាស់ ឬកត្តាកំណត់អត្តសញ្ញាណស្រដៀងគ្នា ស្ថានភាពអាពាហ៍ពិពាហ៍ ងារ ថ្ងៃខែឆ្នាំកំណើត អាយុ សញ្ជាតិ រូបថត ភេទ មុខតំណែងការងារ លេខអត្តសញ្ញាណសារពើពន្ធ លេខលិខិតឆ្លងដែន ព័ត៌មានលម្អិតអំពីបណ្ណបើកបរ ព័ត៌មានលម្អិតអំពីអត្តសញ្ញាណប័ណ្ណជាតិ រូបថតអត្តសញ្ញាណប័ណ្ណ និង/ឬព័ត៌មានទិដ្ឋាការ។

• ទិន្នន័យទំនាក់ទំនងរួមមានអាសយដ្ឋានសម្រាប់ចេញវិក្កយបត្រ អាសយដ្ឋានប្រគល់ទំនិញ អាសយដ្ឋានអ៊ីមែល និងលេខទូរសព្ទ។

• ទិន្នន័យហិរញ្ញវត្ថុរួមមានគណនីធនាគារ លេខគណនីបណ្ណទូទាត់ (PAN) ប្រវត្តិប្រតិបត្តិការ ទិន្នន័យពាណិជ្ជកម្ម និង/ឬអត្តសញ្ញាណសារពើពន្ធ។

• ទិន្នន័យប្រតិបត្តិការរួមមានព័ត៌មានលម្អិតអំពីការទូទាត់ទៅ និងពីអ្នក និងព័ត៌មានលម្អិតផ្សេងទៀតអំពីសេវា (Services) ដែលអ្នកបានទិញពីយើង ដូចជាឈ្មោះអ្នកទទួល ឈ្មោះរបស់អ្នក ចំនួនទឹកប្រាក់ និង/ឬពេលវេលា។

• ទិន្នន័យបច្ចេកទេសរួមមានអាសយដ្ឋានពិធីការអ៊ីនធឺណិត (IP) ទិន្នន័យចូលប្រើប្រាស់របស់អ្នក ប្រភេទ និងកំណែកម្មវិធីរុករក ការកំណត់តំបន់ពេលវេលា និងទីតាំង ប្រភេទកម្មវិធីជំនួយ និងកំណែកម្មវិធីរុករក ប្រព័ន្ធ និងថ្នាលប្រតិបត្តិការ និងបច្ចេកវិទ្យាផ្សេងទៀតនៅលើឧបករណ៍ដែលអ្នកប្រើដើម្បីចូលប្រើអ៊ីនធឺហ្វេស (Interface) និងសេវា (Services) របស់យើង។

• ទិន្នន័យស្តីពីព័ត៌មានរួមមានឈ្មោះអ្នកប្រើប្រាស់ និងពាក្យសម្ងាត់របស់អ្នក ការទិញ ឬការបញ្ជាទិញរបស់អ្នក ចំណាប់អារម្មណ៍ ចំណង់ចំណូលចិត្ត មតិកែលម្អ និងការឆ្លើយតបការស្ទង់មតិរបស់អ្នក។

• ទិន្នន័យស្តីពីការប្រើប្រាស់រួមមានព័ត៌មានដែលផ្តល់ដល់ក្រុមគាំទ្ររបស់យើង ការបង្ហោះលើបណ្តាញសង្គមសាធារណៈ ទិន្នន័យផ្ទៀងផ្ទាត់ភាពត្រឹមត្រូវ សំណួរសុវត្ថិភាព លេខសម្គាល់អ្នកប្រើប្រាស់ ទិន្នន័យស្ទ្រីមចុច និងទិន្នន័យផ្សេងទៀតដែលប្រមូលបានតាមរយៈខូគី និងបច្ចេកវិទ្យាស្រដៀងគ្នា។

• ទិន្នន័យទីផ្សារ និងទំនាក់ទំនងរួមមានចំណង់ចំណូលចិត្តរបស់អ្នកក្នុងការទទួលសារ និងការផ្សាយពាណិជ្ជកម្មទីផ្សារពីយើង និងភាគីទីបីរបស់យើង និងចំណង់ចំណូលចិត្តក្នុងការទំនាក់ទំនងរបស់អ្នក។

យើងក៏ប្រមូល ប្រើប្រាស់ និងចែករំលែកទិន្នន័យសរុប ដូចជាទិន្នន័យស្ថិតិ ឬប្រជាសាស្រ្តក្នុងគោលបំណងណាមួយ។ ទិន្នន័យសរុបអាចបានមកពីទិន្នន័យផ្ទាល់ខ្លួនរបស់អ្នក ប៉ុន្តែតាមផ្លូវច្បាប់មិនត្រូវបានចាត់ទុកថាជាទិន្នន័យផ្ទាល់ខ្លួនទេ ដោយសារទិន្នន័យនេះមិនបង្ហាញអត្តសញ្ញាណរបស់អ្នកដោយផ្ទាល់ ឬដោយប្រយោល។ ជាឧទាហរណ៍ យើងអាចសរុបទិន្នន័យប្រើប្រាស់របស់អ្នកដើម្បីគណនាភាគរយអ្នកប្រើប្រាស់ដែលចូលប្រើមុខងារជាក់លាក់ក្នុងគេហទំព័រ។ ទោះជាយ៉ាងណាក៏ដោយ ប្រសិនបើយើងរួមបញ្ចូលគ្នា ឬភ្ជាប់ទិន្នន័យសរុបជាមួយនឹងទិន្នន័យផ្ទាល់ខ្លួនរបស់អ្នក ដើម្បីឱ្យទិន្នន័យសរុបអាចកំណត់អត្តសញ្ញាណអ្នកដោយផ្ទាល់ ឬដោយប្រយោលបាន នោះយើងចាត់ទុកទិន្នន័យរួមបញ្ចូលគ្នាជាទិន្នន័យផ្ទាល់ខ្លួនដែលនឹងត្រូវបានប្រើស្របតាមគោលការណ៍ឯកជនភាពនេះ។

យើងមិនប្រមូលទិន្នន័យផ្ទាល់ខ្លួនប្រភេទពិសេសណាមួយអំពីអ្នក (ទិន្នន័យនេះរួមបញ្ចូលព័ត៌មានលម្អិតអំពីពូជសាសន៍ ឬជាតិពន្ធុ ជំនឿសាសនា ឬទស្សនវិជ្ជា ជីវិតផ្លូវភេទ ទំនោរផ្លូវភេទ ទស្សនៈនយោបាយ សមាជិកភាពសហជីពរបស់អ្នក ព័ត៌មានអំពីសុខភាព និងទិន្នន័យហ្សែន និងជីវមាត្ររបស់អ្នក)។ 

ប្រសិនបើអ្នកមិនបានផ្តល់ទិន្នន័យផ្ទាល់ខ្លួន

ក្នុងករណីដែលយើងត្រូវការប្រមូលទិន្នន័យផ្ទាល់ខ្លួនតាមច្បាប់ ឬតាមលក្ខខណ្ឌនៃកិច្ចសន្យាដែលយើងមានជាមួយអ្នក ហើយអ្នកមិនបានផ្តល់ទិន្នន័យនោះនៅពេលដែលយើងស្នើសុំ យើងប្រហែលជាមិនអាចអនុវត្តកិច្ចសន្យាដែលយើងមាន ឬដែលកំពុងព្យាយាមចុះកិច្ចសន្យាជាមួយអ្នក (ឧទាហរណ៍ ដើម្បីផ្តល់សេវាជូនអ្នក) បានទេ។ ក្នុងករណីនេះ យើងប្រហែលជាត្រូវលុបចោលផលិតផល ឬសេវា (Services) ដែលអ្នកមានជាមួយយើង ប៉ុន្តែយើងនឹងជូនដំណឹងដល់អ្នកប្រសិនបើការលុបចោលនេះកើតឡើង។

តើទិន្នន័យផ្ទាល់ខ្លួនរបស់អ្នកត្រូវបានប្រមូលដោយរបៀបណា?

យើងប្រើវិធីសាស្រ្តផ្សេងៗដើម្បីប្រមូលទិន្នន័យពី និងអំពីអ្នក រួមមានតាមរយៈ អន្តរកម្មផ្ទាល់។ អ្នកប្រហែលជាបានផ្តល់អត្តសញ្ញាណ លេខទំនាក់ទំនង និងទិន្នន័យហិរញ្ញវត្ថុរបស់អ្នកឱ្យយើងតាមរយៈការបំពេញទម្រង់បែបបទ ឬដោយការឆ្លើយឆ្លងជាមួយយើងតាមប្រៃសណីយ៍ ទូរស័ព្ទ អ៊ីមែល ឬផ្សេងពីនេះ។ ទាំងនេះរួមមានទិន្នន័យផ្ទាល់ខ្លួនដែលអ្នកផ្តល់ឱ្យនៅពេលអ្នក៖

• ដាក់ពាក្យស្នើសុំសេវា (Services) របស់យើង

• បង្កើតគណនីនៅលើអ៊ិនធឺហ្វេស (Interface) ឬសេវា (Services) របស់យើង

• ជាវសេវា (Services) ឬការបោះពុម្ពផ្សាយរបស់យើង

• ស្នើសុំសម្ភារៈ ឬមាតិកាទីផ្សារដែលត្រូវផ្ញើទៅអ្នក

• ចូលរួមក្នុងការប្រកួតប្រជែង ប្រូម៉ូសិន ឬការស្ទង់មតិ ឬ

• ផ្តល់មតិត្រឡប់មកយើង ឬទាក់ទងមកយើងខ្ញុំ។

បច្ចេកវិទ្យា/អន្តរកម្មស្វ័យប្រវត្តិ និងប្រភពភាគីទីបី។ យើងប្រហែលជាបានប្រមូលព័ត៌មានផ្ទាល់ខ្លួនរបស់អ្នកដោយស្វ័យប្រវត្តិនៅពេលអ្នកធ្វើអន្តរកម្មជាមួយអ៊ីនធឺហ្វេស (Interface) របស់យើង (ដូចជាសកម្មភាព លំនាំនៃការរុករក ម៉ូដែលហាដវ៊ែរ លេខសម្គាល់ឧបករណ៍ កំណែប្រព័ន្ធប្រតិបត្តិការ សូហ្វវ៊ែររុករកតាមអ៊ីនធឺណិត និងអាសយដ្ឋាន/MAC ពិធីសារអ៊ីនធឺណិត ព័ត៌មានកំណត់អត្តសញ្ញាណឧបករណ៍/អាសយដ្ឋានរបស់អ្នក)។ យើងក៏អាចទទួលបានទិន្នន័យផ្ទាល់ខ្លួនរបស់អ្នកពីភាគីទីបី និងប្រភពសាធារណៈនានាតាមការតម្រូវ ឬអនុញ្ញាតដោយច្បាប់ជាធរមាន (ដូចជា មូលដ្ឋានទិន្នន័យសាធារណៈ ការិយាល័យឥណទានដៃគូផ្ទៀងផ្ទាត់អត្តសញ្ញាណ អ្នកលក់បន្ត និងដៃគូបណ្ដា ដៃគូទីផ្សាររួម និងថ្នាលប្រព័ន្ធផ្សព្វផ្សាយសង្គម)។

គោលបំណងដែលយើងប្រើទិន្នន័យផ្ទាល់ខ្លួនរបស់អ្នក

យើងនឹងប្រើទិន្នន័យផ្ទាល់ខ្លួនរបស់អ្នកតែនៅក្នុងកម្រិតដែលច្បាប់បានអនុញ្ញាតប៉ុណ្ណោះ។ ជាទូទៅបំផុត ដោយយោងទៅលើប្រភេទនៃមូលដ្ឋានច្បាប់ដែលបានបញ្ជាក់ជាក់លាក់នៅក្នុង GDPR យើងនឹងប្រើប្រាស់ទិន្នន័យផ្ទាល់ខ្លួនរបស់អ្នកក្នុងករណីដែល៖

• យើងត្រូវការអនុវត្តកិច្ចសន្យាដែលយើងហៀបនឹងចុះកិច្ចសន្យា ឬបានចុះកិច្ចសន្យាជាមួយអ្នក

• ជាការចាំបាច់សម្រាប់ផលប្រយោជន៍ស្របច្បាប់របស់យើង (ឬរបស់ភាគីទីបី) ហើយដែលផលប្រយោជន៍ និងសិទ្ធិជាសារវន្តរបស់អ្នកមិនផាត់ចោលផលប្រយោជន៍ស្របច្បាប់ទាំងនោះ ឬ

• យើងត្រូវការអនុវត្តតាមកាតព្វកិច្ចផ្លូវច្បាប់។

សូមមើលសទ្ទានុក្រមខាងក្រោម ដើម្បីស្វែងយល់បន្ថែមអំពីប្រភេទនៃមូលដ្ឋានច្បាប់ដែលយើងត្រូវពឹងផ្អែកដើម្បីដំណើរការទិន្នន័យផ្ទាល់ខ្លួនរបស់អ្នក។

ក្នុងតារាងខាងក្រោមយើងបានពណ៌នា អំពីមធ្យោបាយដែលយើងគ្រោងប្រើប្រាស់ទិន្នន័យផ្ទាល់ខ្លួនរបស់អ្នក និងថាយើងដំណើរការទិន្នន័យផ្ទាល់ខ្លួនរបស់អ្នកផ្តែកលើមូលដ្ឋានអ្វីខ្លះ។ យើងក៏បានបញ្ជាក់អំពីផលប្រយោជន៍ស្របច្បាប់របស់យើងក្នុងករណីសមស្របផងដែរ។

សូមកត់សម្គាល់ថា យើងអាចដំណើរការទិន្នន័យផ្ទាល់ខ្លួនរបស់អ្នក ដោយផ្អែកលើហេតុស្របច្បាប់លើសពីមួយ ដោយផ្អែកលើគោលបំណងជាក់លាក់ដែលយើងត្រូវប្រើប្រាស់ទិន្នន័យរបស់អ្នក។ សូមទាក់ទងមកកាន់យើងខ្ញុំ ប្រសិនបើអ្នកត្រូវការព័ត៌មានលម្អិតអំពីមូលហេតុផ្លូវច្បាប់ជាក់លាក់ ដែលយើងពឹងផ្អែកដើម្បីដំណើរការទិន្នន័យផ្ទាល់ខ្លួនរបស់អ្នក ដែលមូលហេតុលើសពីមួយត្រូវបានកំណត់ក្នុងតារាងខាងក្រោម។

ទីផ្សារ

យើងអាចប្រើទិន្នន័យផ្ទាល់ខ្លួនរបស់អ្នកដើម្បីបង្កើតគំនិតអំពីអ្វីដែលយើងគិតថា អ្នកប្រហែលជាចង់បាន ឬត្រូវការ ឬអ្វីដែលអាចមានប្រយោជន៍ចំពោះអ្នកទាក់ទងនឹងអ៊ីនធឺហ្វេស (Interface) ឬការផ្តល់សេវា(Services)។ ដោយផ្អែកលើមធ្យោបាយទំនាក់ទំនងដែលអ្នកជ្រើសរើស យើងអាចបញ្ជូនព័ត៌មានទីផ្សារទៅអ្នក ដើម្បីជូនដំណឹងដល់អ្នកអំពីការរៀបចំព្រឹត្តិការណ៍របស់យើង ឬការរៀបចំព្រឹត្តិការណ៍ដៃគូរបស់យើង ដើម្បីបង្ហាញអ្នកអំពីទីផ្សារគោលដៅ និងការផ្សាយពាណិជ្ចកម្ម ហើយផ្តល់ការបញ្ចុះតម្លៃពិសេសជូនអ្នកដោយផ្អែកលើចំណង់ចំណូលចិត្តរបស់អ្នកក្នុងការប្រាស្រ័យទាក់ទង។

ព័ត៌មានដែលបានចែករំលែកជាមួយភាគីទីបី

ម្តងម្កាល យើងធ្វើការជាមួយក្រុមហ៊ុន អ្នកលក់ និងបុគ្គលផ្សេងទៀត ដើម្បីបំពេញមុខងារតាងនាមយើងក្នុងករណីចាំបាច់។ បន្ថែមពីនេះ យើងក៏ប្រើប្រាស់សូហ្វវ៊ែរ និងកម្មវិធីដែលផ្តល់ដោយភាគីទីបីដែលអាចដំណើរការព័ត៌មានដែលកំណត់លក្ខណសម្បត្តិជាទិន្នន័យផ្ទាល់ខ្លួនរបស់អ្នក។ ភាគីទីបីទាំងនេះមានសិទ្ធិត្រឹមតែចូលមើលទិន្នន័យផ្ទាល់ខ្លួនដែលត្រូវការចាំបាច់ដើម្បីអនុវត្តមុខងាររបស់ខ្លួនប៉ុណ្ណោះ ប៉ុន្តែភាគីទីបីទាំងនេះ មិនអាចប្រើប្រាស់ទិន្នន័យផ្ទាល់ខ្លួនសម្រាប់គោលបំណងផ្សេងឡើយ។

យើងនឹងចែករំលែកតែទិន្នន័យផ្ទាល់ខ្លួនរបស់អ្នកជាមួយភាគីទីបី ដែលមានគោលបំណងស្របច្បាប់ក្នុងការចូលប្រើទិន្ន័យនេះ ជាពិសេស៖

• យើងចែករំលែកទិន្នន័យផ្ទាល់ខ្លួនរបស់អ្នកជាមួយសេវាផ្ទៀងផ្ទាត់អត្តសញ្ញាណភាគីទីបី ដើម្បីបំពេញ កាតព្វកិច្ចក្រោមច្បាប់ស្តីពី AML ច្បាប់ស្តីពីការប្រឆាំងការស៊ីសំណូក ច្បាប់ស្តីពីការដាក់ដាក់ទណ្ឌកម្ម ច្បាប់ស្តីពី CTF និងច្បាប់ជាធរមានផ្សេងទៀត។

• យើងចែករំលែកទិន្នន័យផ្ទាល់ខ្លួនរបស់អ្នកជាមួយអ្នកផ្តល់សេវាដែលផ្តល់សេវាប្រឹក្សាយោបល់ ធនាគារ ច្បាប់ ការរចនា ការវិភាគទិន្នន័យ ទីផ្សារ ធានារ៉ាប់រង គណនេយ្យ និងបច្ចេកវិទ្យាព័ត៌មាន និងផលិតផលតាមកិច្ចសន្យា ហើយអ្នកផ្តល់សេវាដែលជួយផ្នែកខ្លះនៅក្នុងប្រតិបត្តិការអាជីវកម្មរបស់យើង។

• យើងចែករំលែកទិន្នន័យផ្ទាល់ខ្លួនរបស់អ្នកជាមួយស្ថាប័នហិរញ្ញវត្ថុដែលយើងជាដៃគូដើម្បីដំណើរការការទូទាត់ដែលអ្នកបានអនុញ្ញាត។

• យើងអាចចែករំលែកទិន្នន័យផ្ទាល់ខ្លួនរបស់អ្នកជាមួយក្រុមហ៊ុន ឬស្ថាប័នផ្សេងទៀតដែលយើងគ្រោងនឹងបញ្ចូលគ្នាជាមួយ ឬក្រុមហ៊ុន ឬស្ថាប័នដែលទទួលខុសត្រូវបន្តពីយើង។ ក្នុងករណីមានការបញ្ចូលគ្នាបែបនេះ យើងនឹងតម្រូវឱ្យស្ថាប័នបញ្ចូលគ្នាថ្មីអនុវត្តតាមគោលការណ៍ឯកជនភាពនេះ ទាក់ទងនឹងទិន្នន័យផ្ទាល់ខ្លួនរបស់អ្នក។ អ្នកនឹងទទួលការជូនដំណឹងជាមុនអំពីការកែប្រែណាមួយនូវគោលការណ៍ជាធរមាន ហើយ

• យើងចែករំលែកទិន្នន័យផ្ទាល់ខ្លួនរបស់អ្នកជាមួយមន្ត្រីអនុវត្តច្បាប់ ឬភាគីទីបីផ្សេងទៀត នៅពេលដែលយើងត្រូវបង្ខំចិត្តធ្វើដូច្នេះតាមដីកាកោះហៅ ដីកាតុលាការ ឬនីតិវិធីច្បាប់ស្រដៀងគ្នា ឬនៅពេលដែលយើងជឿដោយសុចរិតថា ការបង្ហាញទិន្នន័យផ្ទាល់ខ្លួនជាការចាំបាច់ដើម្បីបង្ការគ្រោះថ្នាក់រាងកាយ ឬការបាត់បង់ហិរញ្ញវត្ថុ ដើម្បីរាយការណ៍អំពីសកម្មភាពខុសច្បាប់ដែលបានដាក់ការសង្ស័យ ឬស៊ើបអង្កេតការរំលោភលើកិច្ចព្រមព្រៀងអ្នកប្រើប្រាស់របស់យើង ឬគោលនយោបាយជាធរមានផ្សេងទៀត។

យើងតម្រូវឱ្យគ្រប់ភាគីទីបីទាំងអស់គោរពសន្តិសុខនៃទិន្នន័យផ្ទាល់ខ្លួនរបស់អ្នក ហើយតម្រូវឱ្យពួកគេគ្រប់គ្រងទិន្នន័យនេះស្របតាមគោលការណ៍ឯកជនភាព និងច្បាប់ជាធរមាន។

ការជ្រើសរើសមិនចូលរួម

អ្នកអាចជ្រើសរើសមិនចែករំលែកទិន្នន័យផ្ទាល់ខ្លួនរបស់អ្នកជាមួយភាគីទីបី ឬអ្នកសម្រេចចិត្តមិនអនុញ្ញាតឱ្យយើងប្រើប្រាស់ទិន្នន័យផ្ទាល់ខ្លួនរបស់អ្នកក្នុងគោលបំណងណាមួយ ដែលមិនត្រូវនឹងគោលបំណងដែលយើងបានប្រមូលទិន្នន័យពីដំបូង ឬបន្ទាប់មកបានការអនុញ្ញាតពីអ្នក។ ប្រសិនបើអ្នកជ្រើសរើសធ្វើដូច្នេះ លក្ខណៈពិសេសមួយចំនួននៃអ៊ីនធឺហ្វេស (Interface) ឬសេវា (Services) របស់យើងប្រហែលជាមិនមានសម្រាប់អ្នកទេ។

ខូគី

អ្នកអាចកំណត់កម្មវិធីប្រោស័ររបស់អ្នកដើម្បីបដិសេធគ្រប់ខូគីកម្មវិធីប្រោស័រទាំងអស់ ឬខូគីកម្មវិធី
ប្រោស័រមួយចំនួន ឬជូនដំណឹងអ្នកនៅពេលគេហទំព័រកំណត់ ឬចូលប្រើខូគី។ ប្រសិនបើអ្នកបិទ ឬបដិសេធ
ខូគី សូមកត់សម្គាល់ថាផ្នែកខ្លះនៃគេហទំព័រនេះអាចចូលប្រើមិនបាន ឬមិនដំណើរការត្រឹមត្រូវ។ សម្រាប់ព័ត៌មានបន្ថែមអំពីខូគីដែលយើងប្រើ សូមមើលគោលការណ៍ខូគីរបស់យើង។

ការផ្លាស់ប្តូរគោលបំណង

យើងនឹងប្រើទិន្នន័យផ្ទាល់ខ្លួនរបស់អ្នកសម្រាប់តែគោលបំណងដែលយើងបានកំណត់សម្រាប់ការប្រមូលនោះប៉ុណ្ណោះ លើកលែងយើងពិចារណាដោយសមហេតុផលថា យើងត្រូវការប្រើវាដោយសារមូលហេតុផ្សេងទៀត ហើយមូលហេតុនោះត្រូវនឹងគោលបំណងដើម ឬអនុលោមតាមច្បាប់ជាធរមាន។ ប្រសិនបើអ្នកចង់ទទួលបានការពន្យល់អំពីរបៀបដែលដំណើរការក្នុងគោលបំណងថ្មីត្រូវងគោលបំណងដើម សូមទាក់ទងមកយើងខ្ញុំ។

ប្រសិនបើយើងត្រូវការប្រើទិន្នន័យផ្ទាល់ខ្លួនរបស់អ្នកក្នុងគោលបំណងដែលមិនពាក់ព័ន្ធ យើងនឹងជូនដំណឹងដល់អ្នក ហើយយើងនឹងពន្យល់អំពីមូលដ្ឋានច្បាប់ដែលអនុញ្ញាតឱ្យយើងធ្វើការប្រើប្រាស់នេះ។

សូមបញ្ជាក់ថា យើងអាចដំណើរការទិន្នន័យផ្ទាល់ខ្លួនរបស់អ្នក នៅពេលដែលអ្នកមិនដឹង ឬគ្មានការយល់ព្រមពីអ្នក ដោយអនុលោមតាមវិធានខាងលើ ក្នុងករណីដែលការដំណើរការនេះតម្រូវ ឬអនុញ្ញាតដោយច្បាប់។

សន្តិសុខទិន្នន័យ

យើងបានបង្កើតវិធានសន្តិសុខសមស្របដើម្បីការពារទិន្នន័យផ្ទាល់ខ្លួនរបស់អ្នក មិនឱ្យមានការបាត់ដោយចៃដន្យ មិនឱ្យមានការប្រើប្រាស់ ឬមិនឱ្យមានការចូលប្រើដោយគ្មានការអនុញ្ញាត មិនឱ្យកែ ឬុមិនឱ្យបង្ហាញទិន្នន័យនេះ។ បន្ថែមពីនេះ យើងកម្រិតសិទ្ធិចូលប្រើទិន្នន័យផ្ទាល់ខ្លួនរបស់អ្នកត្រឹមតែបុគ្គលិក ភ្នាក់ងារ អ្នកទទួលការ និងភាគីទីបីផ្សេងទៀតដែលមានតម្រូវការត្រូវដឹងដើម្បីការងារប៉ុណ្ណោះ។ ពួកគេនឹងដំណើរការ ទិន្នន័យផ្ទាល់ខ្លួនរបស់អ្នកតាមតែការណែនាំរបស់យើងប៉ុណ្ណោះ ហើយពួកគេត្រូវមានកាតព្វកិច្ចរក្សាការសម្ងាត់នូវព័ត៌មានទាំងអស់នោះ។

យើងបានបង្កើតនីតិវិធីសម្រាប់ដោះស្រាយករណីសង្ស័យថាមានការបំពានលើទិន្នន័យផ្ទាល់ខ្លួន ហើយយើងនឹងជូនដំណឹងដល់អ្នក និងនិយតករពាក់ព័ន្ធអំពីការបំពាន ប្រសិនបើច្បាប់តម្រូវឱ្យយើងធ្វើការជូនដំណឹង។

ការរក្សាទុកទិន្នន័យ

យើងរក្សាទុកទិន្នន័យផ្ទាល់ខ្លួនរបស់អ្នកសម្រាប់តែរយៈពេលដែលចាំបាច់សមហេតុផល ដើម្បីបំពេញគោលបំណងនៃការប្រមូលទិន្នន័យរបស់យើងប៉ុណ្ណោះ ដែលរួមមានគោលបំណងក្នុងការបំពេញលក្ខខណ្ឌច្បាប់ បទប្បញ្ញត្តិ ពន្ធ គណនេយ្យ ឬលក្ខខណ្ឌធ្វើរបាយការណ៍។ យើងអាចរក្សាទិន្នន័យផ្ទាល់ខ្លួនរបស់អ្នកក្នុងរយៈពេលយូរជាងនេះ ក្នុងករណីមានបណ្តឹងតវ៉ា ឬប្រសិនបើយើងមានមូលហេតុដែលអាចជឿថា អាចមានវិវាទ កើតឡើងពាក់ព័ន្ធនឹងទំនាក់ទំនងរបស់យើងជាមួយអ្នក។

ដើម្បីកំណត់រយៈពេលរក្សាទុកសមរម្យសម្រាប់ទិន្នន័យផ្ទាល់ខ្លួន យើងពិចារណាលើចំនួន ប្រភេទ និងភាពរស៊ើបនៃទិន្នន័យផ្ទាល់ខ្លួន ហានិភ័យដែលអាចកើតមានពីការប្រើប្រាស់ដោយគ្មានការអនុញ្ញាត ឬការបង្ហាញទិន្នន័យផ្ទាល់ខ្លួនរបស់អ្នក គោលបំណងដែលយើងដំណើរការទិន្នន័យផ្ទាល់ខ្លួនរបស់អ្នក ហើយថាតើយើងអាចសម្រេចគោលបំណងទាំងនោះតាមរយៈមធ្យោបាយផ្សេងទៀត និងលក្ខខណ្ឌច្បាប់ បទប្បញ្ញត្តិ ពន្ធ គណនេយ្យត្រូវអនុវត្ត ឬលក្ខខណ្ឌផ្សេងៗទៀត។

• ព័ត៌មានទំនាក់ទំនង ដូចជាឈ្មោះ អាសយដ្ឋានអ៊ីមែល និងលេខទូរសព្ទរបស់អ្នកក្នុងគោលបំណង
  ទីផ្សារត្រូវបានរក្សាទុកជាប់រហូតទាល់តែអ្នកឈប់ជាវ (unsubscribe)។

• មាតិកាដែលអ្នកបង្ហោះនៅលើអ៊ីនធឺហ្វេស (Interface) របស់យើងដូចជា មតិយោបល់គាំទ្រអតិថិជនរូបថតវីដេអូ ការបង្ហោះប្លក់ និងមាតិកាផ្សេងទៀតអាចត្រូវបានរក្សាទុកដោយគ្មានកំណត់ បន្ទាប់ពីអ្នកបិទគណនីរបស់អ្នកក្នុងគោលបំណងធ្វើសវនកម្ម និងការទប់ស្កាត់បទល្មើស។

សិទ្ធិស្របច្បាប់របស់អ្នក

ទោះបីក្នុងកាលៈទេសៈខ្លះក៏ដោយ អ្នកមានសិទ្ធិតាមច្បាប់ការពារទិន្នន័យទាក់ទងនឹងទិន្នន័យផ្ទាល់ខ្លួនរបស់អ្នក ដែលរួមមានសិទ្ធិក្នុងការ៖

• ស្នើសុំការចូលមើលទិន្នន័យផ្ទាល់ខ្លួនរបស់អ្នក (ទូទៅហៅថា “សំណើចូលមើលទិន្នន័យបុគ្គល”)។ សំណើនេះអនុញ្ញាតឱ្យអ្នកទទួលបានច្បាប់ចម្លងនៃទិន្នន័យផ្ទាល់ខ្លួនរបស់អ្នកដែលយើងរក្សាទុក ហើយអ្នកពិនិត្យឃើញថា យើងកំពុងដំណើរការទិន្នន័យដោយស្របច្បាប់។

• ស្នើសុំការកែតម្រូវទិន្នន័យផ្ទាល់ខ្លួនរបស់អ្នកដែលយើងរក្សាទុក។ សំណើនេះអនុញ្ញាតឱ្យអ្នកមានទិន្នន័យរបស់អ្នកមិនពេញលេញ ឬមិនត្រឹមត្រូវណាមួយដែលយើងរក្សាទុក ដែលអ្នកបានកែតម្រូវ ទោះបីជាយើងអាចនឹងត្រូវផ្ទៀងផ្ទាត់ភាពត្រឹមត្រូវនៃទិន្នន័យថ្មី ដែលអ្នកផ្តល់ឱ្យយើងក៏ដោយ។

• ស្នើសុំលុបទិន្នន័យផ្ទាល់ខ្លួនរបស់អ្នក។ សំណើនេះអនុញ្ញាតឱ្យអ្នកស្នើសុំឱ្យយើងលុប ឬយកចេញទិន្នន័យផ្ទាល់ខ្លួន ប្រសិនបើមិនមានមូលហេតុល្អដើម្បីឱ្យយើងបន្តដំណើរការទិន្នន័យនេះ។ អ្នកក៏មានសិទ្ធិស្នើសុំឱ្យយើងលុប ឬយកចេញទិន្នន័យផ្ទាល់ខ្លួនរបស់អ្នក ប្រសិនបើអ្នកបានអនុវត្តសិទ្ធិរបស់អ្នកដោយជោគជ័យក្នុងការជំទាស់នឹងដំណើរការ (សូមមើលខាងក្រោម) ប្រសិនបើយើងអាចបានដំណើរការព័ត៌មានរបស់អ្នកដោយមិនស្របច្បាប់ ឬប្រសិនបើយើងត្រូវបានតម្រូវឱ្យលុបទិន្នន័យផ្ទាល់ខ្លួនរបស់អ្នក ដើម្បីអនុវត្តតាមច្បាប់ក្នុងស្រុក។ ទោះជាយ៉ាងនេះក្ដី សូមបញ្ជាក់ថា យើងប្រហែលជាមិនអាចអនុវត្តតាមសំណើរលុបរបស់អ្នកជានិច្ចឡើយ ដោយសារមូលហេតុផ្លូវច្បាប់មួយចំនួន (ឧទាហរណ៍ សម្រាប់ការអនុវត្តតាមលក្ខខណ្ឌតម្រូវក្នុងការរក្សាទុកទិន្នន័យផ្ទាល់ខ្លួនខ្លះក្នុងរយៈពេលដ៏ជាក់លាក់តាមច្បាប់ជាធរមាន) ដែលនឹងត្រូវជូនដំណឹងដល់អ្នក ប្រសិនបើពាក់ព័ន្ធ នៅពេលដែលអ្នកស្នើសុំ។

• ជំទាស់នឹងដំណើរការទិន្នន័យផ្ទាល់ខ្លួនរបស់អ្នក ប្រសិនបើយើងកំពុងពឹងផ្អែកលើផលប្រយោជន៍ស្របច្បាប់ (ឬផលប្រយោជន៍ស្របច្បាប់របស់ភាគីទីបី) ហើយស្ថានភាពពិសេសរបស់អ្នកមានចំណុចដែលធ្វើឱ្យអ្នកចង់ជំទាស់នឹងដំណើរការទិន្នន័យដោយសារមូលហេតុនេះ នៅពេលដែលអ្នកមានអារម្មណ៍ថា ការដំណើរការនេះប៉ះពាល់ដល់សិទ្ធិ និងសេរីភាពជាសារវន្តរបស់អ្នក។ អ្នកក៏មានសិទ្ធិជំទាស់ ប្រសិនបើយើងកំពុងដំណើរការទិន្នន័យផ្ទាល់ខ្លួនរបស់អ្នកក្នុងគោលបំណងទីផ្សារដោយផ្ទាល់។ ក្នុងករណីខ្លះ យើងអាចបង្ហាញថា យើងមានមូលដ្ឋានផ្លូវច្បាប់ច្បាស់លាស់នៅក្នុងការដំណើរការព័ត៌មានរបស់អ្នកដែលមានសារៈសំខាន់ជាងសិទ្ធិ និងសេរីភាពរបស់អ្នក។

• ស្នើសុំការរឹតបន្តឹងលើដំណើរការទិន្នន័យផ្ទាល់ខ្លួនរបស់អ្នក។ សំណើនេះអនុញ្ញាតឱ្យអ្នកស្នើសុំឱ្យយើងផ្អាកដំណើរការទិន្នន័យផ្ទាល់ខ្លួនរបស់អ្នកនៅក្នុងសេណារីយ៉ូខាងក្រោម៖

• ប្រសិនបើអ្នកចង់ឱ្យយើងបញ្ជាក់ភាពត្រឹមត្រូវនៃទិន្នន័យ។

• ប្រសិនបើការប្រើប្រាស់ទិន្នន័យរបស់យើងមិនស្របច្បាប់ ប៉ុន្តែអ្នកមិនចង់ឱ្យយើងលុបចោលទិន្នន័យនោះ។

• ប្រសិនបើអ្នកត្រូវការឱ្យយើងរក្សាទុកទិន្នន័យ បើទោះបីជាយើងលែងត្រូវការវា នៅពេលដែលអ្នកត្រូវការវាដើម្បីបញ្ជាក់ អនុវត្ត ឬការពារការទាមទារផ្លូវច្បាប់ក៏ដោយ។

• អ្នកបានជំទាស់នឹងយើងមិនឱ្យប្រើប្រាស់ទិន្នន័យរបស់អ្នក ប៉ុន្តែយើងត្រូវការផ្ទៀងផ្ទាត់ថាតើយើងមានមូលហេតុផ្លូវច្បាប់សំខាន់ជាងនេះក្នុងការប្រើវាដែរឬទេ។

• ស្នើសុំបញ្ជូនទិន្នន័យផ្ទាល់ខ្លួនរបស់អ្នកទៅអ្នក ឬទៅភាគីទីបី។ យើងនឹងផ្តល់ទិន្នន័យផ្ទាល់ខ្លួនរបស់អ្នកជូនអ្នក ឬភាគីទីបីដែលអ្នកបានជ្រើសរើសនៅក្នុងទម្រង់មានរចនាសម្ព័ន្ធ ទម្រង់ប្រើជាទូទៅ ទម្រង់អាចអានដោយម៉ាស៊ីន។ សូមកត់សម្គាល់ថា សិទ្ធិនេះអនុវត្តចំពោះតែព័ត៌មានស្វ័យប្រវត្តិកម្មដែលអ្នកបានផ្តល់ការយល់ព្រមពីដំបូងសម្រាប់ពួកយើងក្នុងការប្រើប្រាស់ ឬប្រសិនបើយើងប្រើព័ត៌មានដើម្បីអនុវត្តកិច្ចសន្យាជាមួយអ្នក។

• ដកការយល់ព្រមនៅពេលណាមួយ ដែលយើងកំពុងពឹងផ្អែកលើការយល់ព្រម ដើម្បីដំណើរការទិន្នន័យផ្ទាល់ខ្លួនរបស់អ្នក។ ទោះជាយ៉ាងណាក៏ដោយ ក៏ការដកការយល់ព្រមនេះនឹងមិនប៉ះពាល់ដល់ភាពស្របច្បាប់ក្នុងការដំណើរការណាមួយដែលបានអនុវត្ត មុនពេលដែលអ្នកដកការយល់ព្រមរបស់អ្នក។ ប្រសិនបើអ្នកដកការយល់ព្រមរបស់អ្នក យើងប្រហែលជាមិនអាចផ្តល់សេវា (Services) ខ្លះជូនអ្នកបានឡើយ។ យើងនឹងណែនាំអ្នក ប្រសិនបើករណីនេះកើតឡើងនៅពេលដែលអ្នកដកការយល់ព្រមរបស់អ្នក។

ផ្សេងៗ

ផលប្រយោជន៍ស្របច្បាប់មានន័យថា ផលប្រយោជន៍នៃអាជីវកម្មរបស់យើងក្នុងការប្រកបអាជីវកម្ម និងគ្រប់គ្រងអាជីវកម្មរបស់យើង ដើម្បីជួយយើងឱ្យផ្តល់សេវា/ផលិតផលដ៏ល្អបំផុត និងបទពិសោធន៍ដ៏ល្អបំផុត និងសន្តិសុខបំផុតជូនអ្នក។ យើងធានាថា យើងពិចារណា ហើយថ្លឹងថ្លែងពីផលប៉ះពាល់ដែលអាចកើតមានលើអ្នក (ផលប៉ះពាល់វិជ្ជមានផង និងអវិជ្ជមានផង) ព្រមទាំងសិទ្ធិរបស់អ្នក មុនពេលយើងដំណើរការទិន្នន័យផ្ទាល់ខ្លួនរបស់អ្នកសម្រាប់ផលប្រយោជន៍ស្របច្បាប់របស់យើង។ យើងមិនប្រើទិន្នន័យផ្ទាល់ខ្លួនរបស់អ្នកសម្រាប់សកម្មភាពនោះទេ នៅពេលដែលផលប៉ះពាល់លើអ្នកមានសារៈសំខាន់ជាងផលប្រយោជន៍របស់យើង។ (លើកលែងតែយើងមានការយល់ព្រមពីអ្នក ឬមានតម្រូវការ ឬអនុញ្ញាតផ្សេងពីនេះដោយច្បាប់)។ អ្នកអាចទទួលបានព័ត៌មានបន្ថែមទៀត អំពីរបៀបដែលយើងវាយតម្លៃលើផលប្រយោជន៍ស្របច្បាប់របស់យើងធៀបនឹងផលប៉ះពាល់ដែលអាចកើតមានលើអ្នកទាក់ទងនឹងសកម្មភាពជាក់លាក់។ សូមទាក់ទងមកយើង!

ការអនុវត្តកិច្ចសន្យាមានន័យថា ការដំណើរការទិន្នន័យរបស់អ្នក ប្រសិនបើចាំបាច់សម្រាប់ការអនុវត្តកិច្ចសន្យាដែលអ្នកជាភាគី ឬចាត់វិធានការតាមសំណើរបស់អ្នកមុនពេលចុះកិច្ចសន្យានេះ។

ការអនុវត្តិតាមកាតព្វកិច្ចផ្លូវច្បាប់មានន័យថា ការដំណើរការទិន្នន័យផ្ទាល់ខ្លួនរបស់អ្នក ប្រសិនបើចាំបាច់សម្រាប់ការអនុលោមតាមកាតព្វកិច្ចផ្លូវច្បាប់ដែលយើងត្រូវធ្វើតាម។

ព័ត៌មានលម្អិតអំពីការទាក់ទង

ប្រសិនបើអ្នកមានសំណួរណាមួយអំពីគោលការណ៍ឯកជនភាពនេះ ឬការអនុវត្តឯកជនភាពរបស់យើង សូមទាក់ទងមកយើងតាមរយៈតំណ “មជ្ឈមណ្ឌលជំនួយ” នៅលើគេហទំព័រ https://ctx98.freshdesk.com/ en/support/home

អ្នកមានសិទ្ធិធ្វើបណ្តឹងតវ៉ាពេលណាក៏បានទៅស្ថាប័នការពារព័ត៌មាន និងទិន្នន័យ (“សាលាក្តី”)។ ទោះជាយ៉ាងណាក៏ដោយ យើងសូមអរគុណរចំពោះឱកាសក្នុងការដោះស្រាយបញ្ហារបស់អ្នកផ្ទៃក្នុង មុនពេលចូលទៅដល់សាលាក្តី។